Mere gaon ke angan me (Poem)

My hindi poem (Mere gaon ke angan me)

Mere Gaon Ke Angan Me

Ek  Choti Si Bagiya Hai

Us Chhoti Si Bagiya Me

Kuchh Phulo Ki Kaliyan Hai

Kuchh Yadon Ki Galiyan Hai

Mere Gaon Ke Angan Me

Kuchh Mauje Masti  Hai

Kuchh Phulon Ki Hasti Hai

Koi  Lahrati Koi Balkhai

Koi Ithlati Koi Itrati Hai

Mere Gaon Ke Angan Me

Meri Maa Ka Anchal Hai

Meri Maa Ka Sapna Hai

Mere Bhai Bahna Hai

Mera Koi Apna Hai

Mere Gaon Ke Angan Me

Phulon Ki Fulwari Hai

Bachchon Ki Kilkari Hai

Ek Subha Nyari Hai

Ek Shaam Pyari Hai

Mere Gaon Ke Angan Me

Kheton Khaliyano Me

Door Ke Maidano Me

Bhauren Gaate Hai

Kuchh Gungunaten Hai

Mere Gaon Ke Angan Me

Koyal Ki Koo- Koo Hai

Chidiyon Ki Chah-Chah Hai

Nadiyon Ki Lahren Hai

Jheelon Ki Maujen Hai

Mere Gaon Ke Angan Me

Thandi Hawayen Hai

Mahki  Fizayen Hai

Ghanghor Ghatayen Hai

Kya Mast Shamayen Hai

Mere Gaon Ke Angan Me

Sawan Ke Jhule Hai

Maujon Ke Melen Hai

Khoob Jhamele Hai

Relam Rele Hai………..

Faheem Alam (Writer & Hindi Poet)